LEGAZPI CITY- Padagos an pagpapakusog kan Police Regional Office 5 sa saindang anti-criminality campaign.
Kasabay kan mga operasyon kontra sa mga wanted persons sa rehiyon, nakapag arestar an PNP Bicol nin nasa 93 na mga indibidwal sa laog nin sarong semana o puon kan Agosto 17 hasta 23, 2026.
Sa nasabing datos, anom na provincial-level wanted persons an nadakop, kasabay pa kan sarong city-level wanted person, 12 municipal-level wanted persons, asin 74 na other wanted persons.
Ini an bilang parte kan pagpapanimbag sa mga persona na nakapagbayolar sa ley asin paghahatod nin hustisya asin pag protehir sa komunidad.
An nasabing mga naarestar na persona an nahahampang sa manlain lain na mga kaso.
Kasabay kaini, padagos an pag-enganyar kan PRO 5 sa publiko na magtenir na vigilante asin padagos na magtao nin impormasyon sa mga otoridad para sa ikakadakop kan iba pang wanted na persona sa saindang mga komunidad.
