Ipinag-oktaba an nakatalaan na nationwide simultaneous active shooter o active-threat drill sa mga pampubliko asin pribadong eskwelagan sa nacion sa aga, Agosto 25, basado sa kumpirmasyon kan opisina ni Department of Education (DepEd) Secretary Sonny Angara.
Pinaglalaoman na magpapaluwas an ahensya nin bilog na detalye asin masunod na schedule kan nasabing drill.
An nasabing nationwide simultaneous drill an enot na inanunsyar kan DepEd sa pagdangog sa Senado, kun sain ipinaliwanag ni DepEd Undersecretary Malcolm Garma na obheto kaini na baluon an kahandaan, pag-ebakwar asin proseso kan reunification kan mga estudyante asin mga magurang eknasong magkaigwa nin huma o kadahasan sa laog kan mga eskwelahan.
Binilog an mga safety protocol katabang an Philippine National Police (PNP) asin an Department of the Interior and Local Government (DILG) kasunod kan mga insidente nin pambabadil asin kadahasan sa mga campus.
Enot na man na nagsagibo nin pilot simulation an ahensya sa nagkapirang eskwelahan kan Hulyo ngani na mapakarahay an polisiya antes an mahewasan na implementasyon.
