Nanindugan si Taiwan President Lai Ching-te na dae isusurendir an maski sarong pulgada o katiting na parte kan saindang teritoryo.
Katakod ini kan pagdepensar kan Taiwan sa lambang parte kan saindang daga, kaibanan an mga saradit na isla siring kan Kinmen, Matsu, asin Penghu.
Ginibo kan Taiwan President an pahayag sa pagbisita sa frontline island kan Kinmen kun sain nagtao siya nin pahayag sa hampang kan war veterans ngani na rumdumon an ika-68 anibersaryo kan 1958 Artillery Battle kan Agosto 23.
Tinawan duon man ni Lai na an katrangkiluhan an makukuwa sana sa paagi kan kusog.
Kaipuhan suboot na maging makusog an militar kan Taiwan ngani na matakot an ibang nacion na sakupon sinda.
Segun digdi na sa laog nin 68 taon, dae nagpundo an China sa saindang ambisyon na mapalawig an saindang teritoryo.
Inihayagt man ni Lai an saiyang suporta sa planong paglangkaw kan budget sa depensa kan Taiwan.
An lokasyon kan Kinmen an kritikal huli ta harani ini sa China kaya sensitibo an nasabing isla sa depensa kan Taiwan.
