LEGAZPI CITY-Suportado kan Albay Police Provincial Office (PPO) an ikakasang active shooting asin active attack drill na ikokondusir kan Deped Regional Office 5 sa mga eskwelahan sa rehiyon.
Segun kay Albay Police Provincial Office Spokesperson Police Captain Kharren Formales, sa intrevista kan Bombo Radyo Legazpi, ni-rerequest na kabale sa isasagibong aktibidad an chief of police na maserbing external evaluators para sa drill sa Agosto 25.
Pigsierto man kan kapulisan na suportado ninda ini asin magpapadara man sinda nin iba pang resource personnel, kaibanan an police operation management unit, asin police community and development unit ngani mag-asiste sa nasabing aktibidad.
Afuera kaini, igwa man nin direktiba sa mga city asin municipal police stations na magkondusir nin school based awareness lectures na matukar sa mga estudyante sa mga eskwelahan, na mapokus sa cyberbullying, voilence against women and children act, asin iba pang ley.
