LEGAZPI CITY—Kasunod kan ika-46 na taong pagkagadan ni dating Senator Benigno Aquino Jr. kasoodmang Biyernes, Agosto 21, liwat na tinawan-doon kan grupong August Twenty-One Movement (ATOM) an importansya kan paggunita sa pagkagadan kan dating senador.
Segun ki ATOM Vice President Bien Gonzales, sa intrevista kan Bombo Radyo Legazpi, naglalaom sinda na mag-adal nin maray an mga kajovenesan kan tunay na nangyari sa historya kan nacion magin surion an mga sources na saindang pigkukuwaan nin impormasyon.
Segun saiya na an nacion na dae nakakaukod sa saiyang historya an posibleng mag-utro giraray ini kaya nararapat sana na maukodan kan mga kajovenesan ini.
Pagdoon niya na mayaman sa historya an Pilipinas urog na sa pakikibaka, mithiin nganing maayos an banwaan kun sain dakol na indibidwal siring kan dating senador na nagsakripisyo nganing masierto na magigin maayos sa masunod na henerasyon an sosyedad.
Mientrastanto, sinaysay pa kan opisyal na sagkod may nanindugan asin naglalaban para sa katotoohan an patunay na legasiya ni dating dating Senator Benigno Aquino Jr. an nagtitinir na buhay na buhay sa mga Plipino.
