Iprepresenta kan House prosecution team ang mga opisyal kan Philippine Statistics Authority (PSA) sa impeachment trial laban kay Vice President Sara Duterte, segun ki House Prosecutor Terry Ridon.
Ini an nganing patunyan an mga alegasyon na “fictitious” o gibo-gibo sana an mga indibidwal na tinawan nin confidential funds kan Office of the Vice President (OVP).
Segun sa lehislador, kaiba an mga opisyal kan PSA bilang mga testigo sa alegasyon kan misused of confidential funds huli sinda an nagsagibo nin pag-aadal asin ibinunyag kaini sa ginibong House inquiry. Nagluwas sa pag-aadal na an mga pangaran sa acknowledgement receipts siring kan Mary Grace Piattos, Milky Secuya, asin iba pa an dae ipinangaki, dae ikinasal asin bako nagadan sa Pilipinas huli waa sinda sa mga record kan PSA.
Kaya maipapahiling ninda na peke asin gibo-gibong indibidwal sana an mga ini, na nangangahulugang igwang kababalaghan asin salang paggamit sa pondo kan banwaan.
Naenot namang inihayag kan kampo kan bise presidente kan Pebrero na nakahanda sindang ipaliwanag ang paggamit kan mga “alias” para sa confidential funds siring kan kinukwestyong recipient na “Mary Grace Piattos,” na hawig sa famuso na brand kan chichiria asin restaurant.
