LEGAZPI CITY-Tuminama an magnitude 6.7 na linog sa timog kan Peru kan Huwebes (lokal na oras), segun sa United States Geological Survey (USGS).
Nairehistro an epicenter kan linog sa 38 kilometros hilagang-kanluran kan Upahuacho, sa provincia kan Parinacochas sa Ayacucho Region na may rarom na 66 kilometros.
An pagyugo namatean sa nagkapirang parte kan Southern Peru, kabali an Ica asin Arequipa.
Mientrastanto, an Geophysical Institute of Peru (IGP) nagbareta nin mas halangkaw na magnitude na 7.2, na nakarekord nin rarom na 108 kilometros.
Sa enot na report, wara man nin nairehistrong lakop na danyos.
Padagos an pag-assess kan mga otoridad sa mga lugar na apektado kan linog.
An Peruvian Navy nagbareta man na warang huma nin tsunami.
An Peru parte man kan Pacific Ring of Fire, kaya an nacion pirmihang nakakaeksperyensya nin makusog na pagyugo.
