LEGAZPI CITY—Pighayag kan Kilusang Mayo Uno na saro na intimidasyon an pagsirbi nin warrant of arrest kan korte sa saindang chairperson na si Jerome Adonis makalihis an pagbayolar suboot sa Article 153 kan Revised Penal Code o tumults and other disturbances of public order.
Ini an makalihis an ginibong pagprotesta kan saindang grupo kan Mayo 1, 2026 o Araw ng Manggagawa.
Segun ki Kilusang Mayo Uno Secretary General Anne Castillo, sa intrevista kan Bombo Radyo Legazpi, na saro ining panggigipit sa saindang lider asin sa paghiro kan saindang grupo.
Para sainda na lakdang ini nganing mapapundo an saindang hiro-protesta huli sa nagkukusog an saindang pagkasararo magin an paghiro kan mga obrero asin namamanwaan na piglalaban an isyu sa dugang na sweldo asin Pax Silica.
Sa ibong kaini, nanindugan an grupo na dae sinda matatakot asin ipapadagos ninda an paghiro para sa paglaban kan mga direchos kan mga obrero asin namamanwaan.
