LEGAZPI CITY-Nanindugan an Makabayan bloc na bako na kabale sa mga ‘isolated case’ an pambabadil sa pribadong eskwelahan sa Zamboanga City.
Segun sa pahayag ni dating ACT Teachers Partylist Representative France Castro, na bilang sarong paratukdo, namundo siya na bako nang ligtas an mga eskwelahan huli sa mga pangyayaring arog kaini.
Segun ki Castro, kinakaipuhan na higotan an seguridad sa mga eskwelahan, sa pampubliko man o pribado ngani na masierto an kaligtasan kan mga estudyante, paratukdo asin iba pang personahes.
Nanindugan ini na dae na dapat kabale sa simpleng insidente an pambabadil asin dapat na igwang manimbag sa insidente.
Dugang pa kaini, bako sana dapat na tawan nin atensyon kun siisay an nasa likod kan pambabadil, kundi dapat na lubos na imbestigaran an ugat asin rason kun pano nangyari an insidente.
