LEGAZPI CITY-Uminabot na sa 5.15 milyones katawo sa nacion an apektado sa pinagsararong epekto kan bagyong Maymay asin Luis asin kan Habagatm segun sa report kan Office of the Civil Defense (OCD) kan Martes, Agosto 18.
Ini katumbas kan haros 1.47 milyones na pamilyang apektado sa Ilocos Region, Cagayan Valley, Central Luzon, Bicol Region, Western Visayas, Zamboanga Peninsula, Calabarzon, Mimaropa, Cordillera Region asin National Capital Region.
Segun sa OCD information officer na si Diego Mariano, labi sa 6,300 na pamilya an nasa evacuation centers pa hasta sa ngonian.
Nagpapadagos pa man an beripikasyon kan 26 na indibidwal na pigbabaretang binawian nin buhay huli sa nasambitang mga kalamidad.
Nasa 15 sa mga biktima an nairehistro sa Benguet, mantang tulo an nairehistro sa Rizal asin Batangas, duwa sa Caloocan asin tig-saro sa La Union, Quezon asin Negros Occidental.
Sa presente, sarong indibidwal an naibaretang nawawara asin padagos na pinaghahanap.
Pigkakarkulo man na nasa 1,786 na kaharongan an naraot, kun saen 203 an totally damage.
