LEGAZPI CITY-Nagpapadagos an pigsasagibong monitoring kan Philippine Institute of Volcanology and Seismology (PHIVOLCS) sa aktibidad kan Bulkang Mayon makalihis ibaba sa alert level 2 an status kaini.
Susog sa pinakahuring datos sa bilong na magdamlag, nagtetenir na hababa an aktibidad kan Bulkan alagad nagpapadagos an pagdaloy kan lava sa may Basud gully na nasa 3.8 km, sa Bonga gully na nasa 3.2 km asin Mi-isi gully na nasa 2.7 km.
Nagbaba naman poon kan enot kaining record an Volcanic Earthquakes asin rockfall kun sain ngonian nasa 9 volcanic earthquakes asin 1 rockfall signal an nairekord kan ahensya.
Nag-aabot man sa 2, 135 tonelada nin Sulfur Dioxide an pigbubuga kaini poon kan Agosto 15, 2026.
Nagtetenir man an pamamaga kan Bulkang Mayon na igwang panandaliang pag-nipis sa Northwestern na parte kaini.
Pagirumdom man liwat kan PHIVOLCS na likayan an paglaog sa 6km danger zone.
