LEGAZPI CITY-Duda an kada driver sa Bicol Region na magigin bastante an P12 na diskwento sa gasolina kada litro.
Ini makalihis na ipaotob poon Agosto 15, an P12 na diskwento sa gasolina kada litro para sa mga kwalipikadong drayber asin operator kan public utility jeepney (PUJ) asin UV Express.
Alagad segun kay Condor Piston Bicol President Ramon Rescovilla, sa intrevista kan Bombo Radyo Legazpi na medyo nabawasan kaini an saindang karga sa maghapon alagad pangapudan man liwat ninda an pangmatagalang solusyon ngani magin kontrolado kan gobierno an taas-presyo.
Sa rehiyon kaya, haros labi P30 na suboot an linangkaw kan presyo asin bako bastante an P12-per-liter fuel discount kumparar sa P1.8 Milyon na kita kan mga kumpanya sa bilog na taon.
Sa presente, bako suboot pareho an mga presyuha sa rehiyon kun sain an iba nasa P89-P90 an kada litro kan Diesel.
Pangapudan man liwat kan grupo na repasuhon na kan gobierno an ley na nagproprotekta sa mga kumpanya huli ta sinda an mas nakikinabang digdi.
Tinawan doon man ni Rescovilla na kun difisil an buhay kan mga driver sa Metro Manila, mas nadidifisilan suboot an mga nasa provincia.
Suportado man ninda an national petition na P2 dagdag pamasahe asin an anumang lakdang an piggigibo sa nasyunal.
Sa ngonian difisil na suboot na makua an P500 sa sarong aldaw o mas halangkaw na an P300 para sa mga driver kumparar sa dating P700-P800 ganansya.
