LEGAZPI CITY- Kinondena kan sarong grupo nin mga obrero an ipinaluwas kan Pasig RTC na preliminary injunction para sa P85 umento sa sweldo kan mga minimum wage earners sa National Capital Region.
Segun ki Trade Union Congress of the Philippines Spokesperson Carlos Miguel Oñate sa intrevista kan Bombo Radyo Legazpi na igwang naga iral na labor code na warang dapat na injunction sa proceedings kan regional wage board.
Huli digdi, nangapudan an opisyal na dapat na magkakasabay na ipaglaban an pagbasura sa preliminary injunction na ipinaluwas kan korte sa Pasig.
Sinabi kan grupo na dakula an epekto kan pagsuspinde sa taas sahod sa mga obrero.
Mientras tanto, nangapudan si Oñate ki Presidente Ferdinand Marcos Jr. na sertipikahan na urgent an P200 legislated wage increase huli ta ini na sana an solamenteng paagi ngani na malangkawan an sweldo sa bilog na nacion.
