Halangkaw an posibilidad na maging tropical depression an pigbabantayan na Low Pressure Area (LPA) sa luwas kan Philippine Area of Responsibility (PAR).
Segun sa PAGASA na huring namataan an LPA sa rayong 1,950 kilometro sirangan kan extreme Northern Luzon.
Mientras tanto, padagos man na nakaka apektar sa Luzon asin sa kanlurang parte kan Visayas an Southwest Monsoon o Habagat.
Pinag aantisiparan an paminsan-minsang pag-uran sa Zambales, Bataan asin Occidental Mindoro, kun sain posible an flash floods asin landslides huli sa moderato hasta sa makusog na uran.
Makaka eksperyensya man nin mapanganuron na kalangitan na may kalat-kalat na pag-uran asin thunderstorms an Metro Manila, Ilocos Region, Cordillera Administrative Region, Cagayan Valley, CALABARZON, MIMAROPA, Central Luzon, Camarines Norte, Aklan, Antique asin Capiz.
Mantang an natatadang parte kan Luzon an posibleng maka eksperyensya nin isolated rain showers o thunderstorms, asin localized thunderstorms na magdadara nin pag-uran.
