LEGAZPI CITY- Nilinaw kan sarong Constitutional Law Expert na dae pigtutugutan sa cross examination an mga misleading questions.
Ini an kasunod kan naging orolay sa paglilitis kasuudma kan bahagyang magkainitan sinda prosecution counsel Atty. Lorna Kapunan asin defense counsel Atty. Kristine Ferrer kan kontrahon kan prosekusyon an suboot misleading questions kan depensa.
Segun ki Atty. Michael Henry Yusingco sa intrevista kan Bombo Radyo Legazpi na alagad dae ini pigtutugutan, garing nasasabutan niya si Atty. Ferrer na posibleng nadara sana sa init kan argumento.
Posibleng pinagbabasulan na suboot kan defense lawyer an pahayag kaini na ‘allowed’ an misleading questions.
Paliwanag ni Yusingco na obheto kan cross examination na malibong an testigo o ma-discredit an testimonya kaini.
Dae pighahali kan nasabing abogado na posibleng iyo an ibig ipagkahulugan kan depensa na pwedesir na lituhon an testigo.
