LEGAZPI CITY- Inihayag kan Philippine Institute of Volcanology and Seismology na pangkaraniwan sana sa sarong bulkan an pagkakaigwa nin ash emmission kun kakahali pa sana sa period of unrest.
Ini na kasunod kan panibagong ash emission sa bulkang Mayon kasubanggi.
An nasabing abo an bako pataas an nagin pag-itsa kundi sideways an naging direksyon asin pasiring sa northeast.
Segun ki Phivolcs Monitoring and Eruption Prediction Division Chief Mariton Bornas sa intrevista kan Bombo Radyo Legazpi na napundo an pagluwas kan magma alagad igwa pa nin stock huli sa kakahali pa sana sa eruption.
Paliwanag pa kan opisyal na maski ibinaba na an aktibidad kan bulkang Mayon sa alert level 2, dae nangangahulugan na mapupundo na an mga aktibidad kaini.
Napag-araman na maski nagpundo na an suplay hali sa bunganga kan bulkan, an mga lusaw parte kan lava an padagos pang mausad pababa kaya igwa man liwat na pagkakataon na magkaigwa nin bako stable na paghiro nin lava na mag krear nin collapse o pyroclastic density current o uson.
Mientras tanto, nilinaw man ni Bornas na bako ini basehan ngani na magrekomendar nin pagtaas nin alerto kan bulkan asin wang bastanteng basehan ngani na magpa-ebakwar liwat huli ta dae pa dagos na naglalangkaw an akltibidad kan bulkan.
