Ipigpropuesto kan Marcos administration an P10.773 bilyong confidential asin intelligence funds (CIF) sa irarom kan 2027 proposed national budget.
Mas hibaba ini nin 8.8% kumparar sa P11.818 billion na itinagama ngunyan na 2026.
Ipigrekomendar kan ehekutibo an nasa P4.368 bilyon para sa confidential funds mantang P6.405 bilyon man para sa intelligence funds.
Segun ki Acting Budget Secretary Kim Robert De Leon, solamenteng mga ahensyang igwang lehitimong pangangaipo na magsagibo nin confidential asin intelligence functions an makakaresibe kan nasabing pondo sa irarom kan National Expenditure Program (NEP) para sa fiscal year 2027.
Sinierto man kan opisyal na masalang an paggamit kan confidential asin intelligence funds sa budgeting, utilization, liquidation asin auditing rules ngani na masierto an paninimbagan asin magamit an pondo para sa tunay na obheto kaini.
Mientras tanto, nagpropuesto m an an ehekutibo nin P111.98 bilyon sa unprogrammed appropriations (UA) para sa 2027, na segun sa DBM an pinakahibabang kantidad puon kan 2019.
Dakulang parte kaini an itatagama para sa pagpopondo kan foreign-assisted projects.
