Pormal nang naresibe kan Senado an propuestong P7.2-trillion na pambansang budget para sa taong 2027.
Personal na pigresibe ni Senate President Sherwin Gatchalian an kopya kan National Expenditure Program (NEP) kan Agosto 11, sa sarong ceremonial turnover sa Senado.
Kaibanan ni Gatchalian sinda Senate Finance Committee Chairman Senator JV Ejercito asin Senate Majority Leader Juan Miguel Zubiri.
Pinangenotan man ni Acting Budget Secretary Kim Robert De Leon an seremonya kaibanan an iba pang opisyal kan Department of Budget and Management (DBM).
Kaibanan sa mga pangenot na prayoridad kan nasabing pondo kan goboerno an edukasyon, salud, social protection, pagkaon, imprastruktura, trabaho, digitalization asin preparasyon sa kalamidad.
Pinakadakula an social services na igwang pondo na maabot sa P2.456 trillion.
Mientras tanto, nagtetenir na prayoridad an edukasyon, kun sain igwang itatagama na P976 billion para sa Department of Education (DepEd).
