Nagtetenir an Department of Education (DepEd) na may pinakadakulang pondo sa irarom kan P7.2-trillion national budget para sa 2027, na igwang alokasyon na P976 billion.
An propuestong 2027 national budget an 6% na mas halangkaw sa 2026 budget o katampad nin P407 billion.
Maabot sa four-fifth o P316 billion kan dagdag pondo an mapapasiring sa mandatory government obligations kaibanan na an mas halangkaw na National Tax Allotment sa mga lokal na gobierno asin adjustment kan sweldo sa mga personahe kan gobierno.
Afuera sa DepEd, ika-duwa sa may pinakahalangkaw na pondo an Department of Public Works and Highways (DPWH) na igwang P644 billion na alokasyon.
Ini an katakod kan pagko konstruir nin mga imprastruktura na magkokonektar sa mga komunidad, magki krear nin trabaho asin pagpapakusog kan climate resilience asin panghaluyan na pagtalubo kan ekonomiya.
