Nag-abot na sa walo an naireport na mga nagadan huli sa epekto kan Habagat asin kan mga nakalihis na bagyong Luis asin Maymay, segun sa pinakahuring datos kan National Disaster Risk Reduction and Management Council (NDRRMC).
Duwang katawo an nagadan sa Rizal huli sa rockslide; duwa sa Batangas huli sa pagkalamos asin electrocution; duwa sa Benguet hul sa landslide, asin duwa sa La Union huli sa landslide, electrocution, asin pagkalamos.
Igwa man nin sarong naawawara sa Batangas asin pitong nairido sa Benguet huli sa landslide asin aksidente sa behikulo.
Mantang, padagos an pagbaha sa pirang parte kan Ilocos Region, Central Luzon, MIMAROPA, Cordillera Administrative Region, asin CALABARZON huli sa warang patod na makusog na pag-uran.
Sinaysay kan NDRRMC na labi 124,000 pamilya na an naapektaran kan maraot na panahon sa bilog na nacion.
Pocomas o menos ,500 pamilya an presenteng nasa mga evacuation center, mantang 170 harong na an nadestroso kun sain 13 digdi an dagos nang nadestroso.
