LEGAZPI CITY-Pigprotesta kan nagkapirang Labor groups sa main office kan Department of Labor and Employment (DOLE) sa Intramuros, Manila, kan Biyernes an ipinaluwas na Temporary Restraining Order (TRO) sa P85 per day wage hike.
An P85 wage increase inaprubahan asin pig-implementar sa duwang tranches.
An enot na tranche, nagkakantidad nin P60, asin nakatalaan kuta na magin epektibo kan Hulyo 25, 2026, mantang an ikaduwang tranche naka-iskedyul naman sa Enero 20, 2027.
Pigagrangay kan mga grupo nin manggagawa na an dagdag na P60 hale sa enot na tranche an dapat na pigtatao para sa signipikanteng ginhawa kan mga ordinaryong empleyado.
Dagdag pa kan grupo na malinaw sa konstitusyon na dapat magkaigwa an mga manggagawang Pilipino nin supisyenteng hati sa saindang kita, alagad dai suboot ini pigtatao.
Pangapudan man ninda an pag-lift sa ipinaluwas na TRO asin baguhon an nationwide minimum wage sa P1,200 kada aldaw o an mismong “living wage.” kan mga obrero.
