LEGAZPI CITY- Hinagad kan grupo nin mga paraoma sa gobierno na mag-imponir nin 30% na safeguard duty sa imported na bagas.
Segun ki Federation of Free Farmers Chairman Leonardo Montemayor sa intrevista kan Bombo Radyo Legazpi na kaibanan an Magsasaka party-list na nagsunad kan nasabing request sa Tariff Commission (TC).
Paliwanag kan opisyal na napapanahon na an pagpapataw nin mas halangkaw na taripa sa mga pig-aangkat na bagas huli ta sobra-sobra na an naglalaog sa nacion.
Nagkakawsa suboot ini nin labing danyos sa mga lokal na paraoma huli sa pagbagsak kan presyo kan paroy kaya apektado man an ganansya kan mga paraoma.
Paliwanag kan kan opisyal na hibaba an presenteng 15% na taripa na ipinagpapaotob sa imported rice kaya nagbabaha man liwat nin inangkat na bagas sa merkado.
Katakod kaini, nangapudan si Montemayor sa Tariff Commission na tulos na aksyunan an saindang petisyon.
