Nagluwas an Las Piñas Regional Trial Court (RTC) nin warrant of arrest laban sa 18 dating bodyguard ni dating congressman Zaldy Co, na mas bisto sa bansag na “maleta boys.”
Inisyu ni Judge Kathryn Sabado an warrant kan Martes katakod kan apat na bilang nin perjury na pigkakahampang kan kada saro.
Nagkakantidad nin ₱18,000 ang piyansa sa kada bilang kan kaso, kaya nag-aabot sa kabilogang ₱72,000 ang kaipuhang bayadan kan kada indibidwal para sa pansamantalang kalayaan.
14 sana sa mga dating bodyguard ang kinakatawan kan saindang abogado na si Atty. Levito Baligod matapos mag-recant o bawion kan apat na iba pa ang saindang naenot na salaysay.
Nagpasiring man an kampo ng 14 na akusado sa korte nganing magpyansa. An mga dae makakahabol sa deadline kan pagbabayad an nakatalaang arestaron kan Las Piñas PNP.
Nagpuon an mga kaso kan idawit kan mga dating bodyguard ang pirang opisyal kan gobyerno sa flood control anomaly, kung saen naghatod suboot sinda nin mga maleta na naglalaman nhin kwarta bilang kickback.
Pignigaran man kan mga opisyal ang paratang asin gumanti ng kontra-demanda. Ang mga arrest warrant an nagmula sa mga reklamong isinunad ninda House lawmaker Leila de Lima, dating senador Antonio Trillanes IV, dating National Security Adviser Eduardo Año, asin BuCor Chief Gregorio Catapang Jr.
Afuera sa perjury sa Las Piñas, ang grupo, kaiba an saindang abogado, an nahahampang man sa anom na bilang ng cyber libel cyber libel sa iba pang korte sa Metro Manila huli sa pagpapakalat kan saindang mga paratang sa social media asin mga press conference.
