LEGAZPI CITY-Nakakaeksperyensya an San Juan, Puerto Rico nin matinding tagtuyot kun kaya plano nindang magsagibo nin programa sa pagrarasyon nin tubigf sa bilog na isla.
Susog sa impormasyon, an pagrarasyon nin tubig mahaloy hasta sa katapusan kan Agosto.
Sinabi man ni Puerto Rico Governor Jenniffer Gonzalez sa sarong press conference na dai niya pa natutukoy kun hasta nuarin mahaloy an pagrarasyon.
An kabisera kan San Juan nakakaeksperyensya nin matinding tagtuyot tuyong Hulyo susog sa National Weather Service.
Kun sain haros 68% kan isla an nakakaeksperyensya nin mga drought conditions segun sa Drought Monitor.
Sinabi man kan National Oceanic and Atmospheric Administration, na posibilidad kan below-normal rainfall asin above-normal heat nasa labi 70% sa Puerto Rico poon Agosto hasta Oktubre, kun sain mas makusog an El Nino asin natatabunan an tropical waves na normal na nagdadara nin pag-uuran tuyong summer sa Isla.
Kaiba an San Juan sa pitong munisipalidad sa isasagibong pagrarasyon nin tubig.
Sinabi kan Puerto Rico Aqueduct and Sewer Authority na magpapadara nin water trucks sa mga apektadong komunidad.
Tatawanan man nin prayoridad an mga ospital asin mga pasildad asin pigenganyar an mga residente na pakuluan an tubig ngani maibitaran an posibleng kontaminasyon.
