Direktang naghapot si Senator-judge Raffy Tulfo ki dating COA state auditor Roderick Wamil sa ika-13 aldaw kan impeachment trial ni Vice President Sara Duterte.
Antes sumalang, idinulog kan senator-judge an point of order dapit sa suboot conflict of interest kasabay kan pag kwestyon sa pagtindog bilang lead defense counsel ni Atty. Michael Poa, na enot nang nabunyagyag na kaibanan sa nakipaghilingan sa mga opisyal kan COA.
Siring man, nilinaw ni Trial Presiding Officer Francis “Chiz” Escudero na si VP Sara an respondent sa kaso asin bako si Poa kaya warang conflict of interest.
Inusisa kan senator-judge kung igwa pang ibang ahensya na nagsumiter nin mga kakaibang pangaran o aliases siring kan “Chichiria,” sa paggamit nin confidential funds.
Segun ki Wamil na dae madeterminar sa mga dokumentong isinumiter sa COA kun alyas an mga pangaran na ginamo huli ta dae man nakalaag.
Kan haputon man kun malalaag sa alanganin an seguridad kan mga impormante kun hinagadan nin resibo, pinanindugan ni Wamil an saiyang enot na testimonya na an saindang pighahagad iyo an official receipt asin sales invoice bilang patunay kan pagbakal.
Sinupla man kan testigo an argumento kan depensa na makokompromiso an national security basado sa sarong joint circular, asin sinabing “repelled” o napawalang bisa an nasabing kasuguan.
