Liwat na tinawan duon kan kampo ni Vice President Sara Duterte na warang nangyaring ”misuse” o ”misappropriation” sa confidential funds kan Office of the Vice President (OVP).
Sa sarong pulong balitaan makalihis an pagdangog kan Martes, sinabi ni defense spokesperson Atty. Michael Poa na nagtetenir an saindang posisyon na warang confidential funds na napasiring sa bise presidente.
Segun ki Poa, dae napatunayan kan prosecution an mga alegasyong na nakapalaman sa impeachment complaint asin kinakaipuhan pa kaini na maghanap nin dugang na ebidensya ngani na patunayan an mga akusasyon.
Pigduon kan abogado na bako bastante an testimonya kan sarong testigo hali sa Commission on Audit (COA) ngani na mapatunayan an suboot iregularidad sa paggamit kan confidential funds.
Dugang pa kaini na pareho pa sanang naghahayag kan saindang mga ebidensya an prosekusyon asin depensa sa impeachment court, asin nasa mga senator-judges an desisyon kun bastante an mga ini ngani na patunayan o pahimutikan an isinunad na reklamo kontra ki VP Sara.
