LEGAZPI CITY-Dai mababa sa pitong katawo, kaiba an tulong joven, an binawian nin buhay makalihis tamaan kan drone sa sarong beach sa Arkhipo-Osipovka sa Krasnodar region kan southern Russia.
Segun sa mga otoridad, nag-abot sa 40 an nairido kun sain 17 an sinugod sa ospital.
Inakusaran kan gobernador kan Krasnodar an Ukraine kan pigsasabing “deliberate strike on civilians,” alagad wara pang pahayag an Kyiv mapadapit sa insidente.
Sa mga video na naglalakop sa social media, buminagsak an drone sa dalampasigan asin suminabog mantang kadakol na turista an nasa lugar.
Bako pa malinaw kun ano an target kan drone, Segun sa report, posibkeng buminagsak ini sa beach matapos maapektaran kan electronic jamming o matamaan kan air defense kan Russia.
Basado sa salaysay kan mga nasa lugar, wara suboot na siren bago nangyari an insidente.
Padagos pa an palitan kan long-range attacks kan Russia asin Ukraine sa tahawk an nagpapadagos na gera.
Sa nakalihis na taon, pinahewas kan Ukraine an mga pag-atake sa laog kan teritoryo kan Russia na nakatuon sa suboot imprastraktura asin mga pasilidad na may kinaaraman sa militar kan nacion.
