Ikinokonsidera kan Philippine National Police (PNP) ang pagrerekomenda kan pagbabawal sa pagpapalabas kan mararahas na pelikula asin programa sa telebisyon bilang parte kan mga lakdang nganing mabawasan an krimeng kinasasangkutan kan mga menor de edad.
Inihayag ini ni PNP Chief Gen. Jose Melencio Nartatez Jr. kasunod kan pananaksak kan 14-anyos na estudyante sa saiyang kaklase sa Las Piñas National High School kan Hulyo 31.
Segun ki Nartatez, bako sana sa mga eskwelahan nangayayari an mga insidenteng kinasasangkutan kan kajovenesan, kundi naaapektuhan man an mga ini kan saindang kapalibutan, pamilya, komunidad, asin social media.
Sinabi man niya niya na nakikipagkoordinar na an PNP sa iba’t ibang ahensya nganing makabilog nin mga lakdang sa makakatabang sa pagresolba kan mga suliraning pigkakahampang kan mga kajovenesan.
Kabale sa mga posibleng rekomendasyon ng PNP ang pagbabawal sa pagpapalabas kan mga mararahas o bayolenteng pelikula asin programa sa telebisyon, siring man an pagtatao nin rekomendasyon mapadapit sa pirang social media applications.
Mientrastanto, ang Movie and Television Review and Classification Board (MTRCB) sana ang may mandato na magsuri asin mag-regulate kan mga palabas sa telebisyon nganing maprotehiran an mga nagdadalan, lalo na an mga joven basado sa Presidential Decree No. 1986.
