Desperado na suboot an China asin an Chinese envoy sa pagpapakalat nin sala asin pekeng impormasyon ukol sa West Philippine Sea.
Segun ki Philippine Coast Guard Spokesperson for the WPS, Rear Admiral Jay Tarriela, sunod-sunod na an piggibo kan Chinese Embassy in Manila na pagluwas nin salang impormasyon bilang partekan disinformation para sa saindang pangangamkam sa pinag-aagawang karagatan.
Binalikan ni Tarriela ang suboot pangraraot ninda Chinese Ambassador to the Philippines Jing Quan asin Deputy Spokesperson of the Chinese Embassy Guo Wei saiya, bilang pinakamakusog na boses kan Pilipinas sa mga orolay sa WPS.
Inuungkat kan mga ini ang paggamit niya kaito nin satirical images asin pigpipiritang binastos niya si Chinese Pres. Xi Jinping.
Siring man, an nasabing imahe an dae pa maihahambing sa lawak kan mga pambubully kan China, pangangamkam sa mga teritoryo kan Pilipinas sa WPS, asin iba pang harassment activities kan nasabing nacion laban sa mga Pilipino.
Kasunod kan naging diskusyon sa pagitan ninda Admiral Tarriela asin Sen. Robin Padilla mapadapit sa kontrobersiyal na racist video na iniluwas kan Chinese state media, sinabi ni Tarriela an dae pa sinda na personal na nagkakaolay kan senador.
Segun saiya wara sindang personal na iwal ni Padilla, alagad bako akma an saiyang pahayag mapadapit sa nasabing video, kaya kaipuhan niya ining kuwestyonin.
Naglalaom man si Tarriela na nasasabutan ni Padlla an saiyang posisyon, makalihis an pagtaon nin mga paliwanag.
