LEGAZPI CITY-Libreng sakay an itatao sa mga pasaherong may National ID sa Light Rail Transit 2 (LRT-2) kada Miyerkules ngonian na bulan kan Agosto.
Segun sa Light Rail Transit Authority (LRTA), kasabay kan anibersaryo kan pagpasar kan Republic Act No. 11055 o Philippine Identification System Act an libreng sakay digdi.
An lakdang pinirmahan bilang ley kan Agosto 6, 2018, na nagmamando sa Philippine Statistics Authority na iimplementar an National ID system.
Sa anunsyo kan pamunuan ngonian na Sabado, Agosto 1, ngani maka-avail kan libreng sakay, kaipuhan sana kan mga pasahero na magpresentar kan saindang pisikal na National ID, o kun wara man posiblrng magpahiling nin printed paper o digital copy sa security personnel kan istasyon.
An libreng pagsakay sa LRT-2 mapoon alas 7:00 nin aga sagkod alas 9:00 nin aga asin poon alas 5:00 nin hapon sagkod alas 7:00 nin banggi sa Agosto 5, 12, 19 hasta 26.
Dati nang nag-anunsyo an Metro Rail Transit Line 3 (MRT 3) na matao ini nin libreng sakay sa mga National ID holders kada Miyerkules ngonian na bulan.
