LEGAZPI CITY- Inapod kan sarong labor group na ‘unusual asin illegal’ ang ginibong pagsuspinde sa implementasyon kan dagdag-sahod sa National Capital Region.
Segun ki Partido Manggagawa Chairperson Ka Rene Magtubo sa intrevista kan Bombo Radyo Legazpi na ini an enot na bes na igwang siring na lakdang na pagsuspinder kan nakatalaan na wage hike sa sarong rehiyon.
Tinawan duon kan opisyal na malinaw sa ley na an National Wages and Productivity Commission (NWPC) an may poder na magtalaan nin sweldo sa lambang rehiyon.
Kun enkasong igwa man na apela, dapat na gibuhon suboot ini sa NWPC sa laog nin sampulong aldaw makalihis ipaluwas an kasuguan kan wage hike asin warang temporary restraining order dapat na ipapaluwas.
Dagdag pa ni Magtubo na an epekto kaini sa mga obrero iyo an ‘delay wages.’
Katakod kaini, tinuyaw kan grupo an Department of Labor and Employment na garing dae suboot ipinaglalaban an saindang mandato.
Segun sa ahensya na an mga obrero an dapat na ipinaglalaban kan ahensya asin bako an pagsurog sa mga kapitalista.
