Maduong pinahimutikan ni Senate Minority Leader Alan Peter Cayetano na naghagad siya nin “ceasefire” ki Sen. Panfilo “Ping” Lacson katakod kan saindang bangayan sa isyu kan suboot mga “ghost projects” sa Taguig City.
An pahayag ni Cayetano an kasimbagan sa naging social media post ni Lacson na nagtataam na igwangt sarong senador na suboot “pabulong” na naghahagad nin tigil-alitan, alagad wara man ining binanggit na pangaran.
Segun ki Cayetano na igwang nagkapirang senador an nagpahayag nin pagkahadit sa saindang ribayan nin akusasyon na posibleng makaraot sa imahe kan Senado, mailihis an atensuon sa mas importanteng mga isyu, asin maka apektar sa interes kan publiko.
“Noong ako’y nagsasalita, ang daldal ko raw… Noong tumahimik naman ako… baka guilty. Tapos ngayon sasabihin na humihingi ako sa kaniya na itigil na. Hindi po,” segun ki Cayetano.
Dugang pa kan senador na mas importante na tawan atensyon an mga isyu siring kan halangkaw na presyo kan kuryente asin petrolyo, online gaming, asin vape kaysa sa personal na bangayan.
Sinabi man ni Cayetano na preparado siyang hampangon an anuman na alegasyon na pigbabato kontra saiya.
