LEGAZPI CITY- Nagtutubod an sarong Constitutional law Expert na warang magigin epekto sa kaso ni dating Presidente Rodrigo Duterte an mga pahayag kan pamilya Duterte asin mgatagasuporta kaini.
Segun ki Atty. Michael Henry Yusingco sa intrevista kan Bombo Radyo Legazpi na an mga husgado kan International Criminal Court an nakakasabot na an saindang desisyon sa sarong kaso an dapat na nakabase sa ebidensya sin ley.
Makusog suboot an paninindugan kan mga ICC judges na an saindang desisyon an warang kinaaraman sa anuman na nangyayari sa luwas kan korte.
Huli digdi, maski ano an sabihon kan nagkapirang mga tagasuporta asin mga kaalyado kan dating presidente, wara ining magigin epekto sa kaso.
Dugang pa ni Yusingco na dae makakapagdara nin pressure sa mga ICC judges an mga rally sa luwas kan korte.
Sa ibong kaini, aminado an opisyal na igwa nin bahagyang epekto an behavior kan mga nasa politika sa Pilipinas ngani na marisa kan mga husgado na nagtetenir na igwang poder an pamilya Duterte.
Marurumduman na nagtetenir sa The Hague si dating presidente Duterte huli sa mga kasong pigkakahampang kaini na may kinaaraman sa crimes against humanities.
