Tinawan duon ni dating House Speaker asin Leyte 1st District Representative Ferdinand Martin Romualdez na wara siyang pigbabayolar na ley asin preparadong patunayan ini sa tamang proseso, kasunod kan naging pahayag ni Presidente Ferdinand Marcos Jr. sa saiyang State of the Nation Address (SONA) na kakasuhan na kan Ombudsman an kongresista.
Segun sa presidente na kaipuhan niyang gibuhon an tama katakod kan imbestigasuon sa suboot maanomalyang flood control projects.
Tinawan duon kan hepe ehekutibo na bako siya presidente kan saiyang pamilya o mga amigo kundi kan bilog na sambayanang Pilipino.
Segun ki Romualdez, alagad makulog an nagin pahayag kan presidente para sa saindang pamilya, ipigrerespeto niya ini bilang parte kan naga iral na proseso.
Dagdag pa kan kongresista na sa bilog na taon kan saiyang pagseserbi, dae siya nuarinman naghagad nin pabor sa presidente.
Uyon man an dating House Speaker na pairalon an legal na proseso asin ebidensya an magtaram imbes na mga haka-haka an mangenot sa imbestigasyon.
