Hinatulang guilty kan Sandiganbayan si Janet Napoles para sa 10 counts nin graft asin 10 counts nin malversation of public funds through falsification of documents.
Huli digdi, pinatawan siya kan anti-graft court nin hasta sa 15 taon na pagkakakulong sa kada kasong graft asin 17 taon asin apat na bulan hasta 20 taon sa kada kasong malversation.
Katakod ini kan suboot maanomalyang paghagad nin P50 milyon sa 10 non-government organizations (NGOs), sa paagi kan 10 local government units (LGUs), hali sa Department of Agrarian Reform (DAR) para sa farm inputs.
Nadiskubre kan mga LGU na wara sindang record kan nasabing proyekto asin dae naghagad nin pondo para digdi.
Afuera ki Napoles, hinatulan man na guilty si dating DAR Undersecretary Jerry Pacturan sa 10 counts nin malversation.
Mientras tanto, si Evelyn de Leon an napatunayang guilty sa tig-3 bilang nin graft asin malversation.
Ini an dugang na padusa sa pigkokunsiderar na “pork barrel scam queen,” na dati nang nahatulan sa manlain lain na kaso nin korapsyon.
