LEGAZPI CITY- Bako kuntento an grupo nin mga paraoma sa suboot nagin akasyon kan Marcos administration ngani na resolberan an mga angat sa agriculture and fisheries sector.
Segun ki Federation of Free Farmers Chairman Leonardo Montemayor sa intrevista kan Bombo Radyo Legazpi na tinawan ninda nin pasang awa na grado si Presidente Ferdinand Marcos Jr., nagkapirang aldaw antes an ika-limang State of the Nation Address (SONA) kaini.
Paliwanag kan opisyal na sa nakalihis na mga taon, padagos na nagsasadit o nagni-negatibo an produksyon sa agri and fisheries sector asin kun magkaigwa man nin pag-angat, kakarampot sana ini.
Dagdag pa ni Montemayor na an pagtalubo kan populasyon kada taon an nasa 1% kaya kun an agriculture growth an mas hibaba sa 1%, nangangahulugan ini na dae kayang tustusan an pagkaon kan sadiring populasyon.
Magreresulta ini sa padagos na impormasyon, bagay na nangyayari sa ngunyan.
Paliwanag kan grupo na sa nakalihis na apat na taon, padakula nin padakula an kakulangan nin produksyon kan pagkaon sa nacion huli sa kakulangan nin suporta.
