LEGAZPI CITY- Nagsunad an Makabayan bloc nin propuesto na nagmamawot na magkaigwa nin tax exemption an mga namamanwaan na igwang P500,000 na ganansya kada taon.
Segun ki ACT Teachers party-list Representative Antonio Tinio sa intrevista kan Bombo Radyo Legazpi na obheto kan House Bill 10161 o Tax Reform Act for Middle Income Earners (TRAM) na mapalawig an mga mapapalibre sa pagbabayad kan income tax return hali sa dating P250,000 threshold.
Sinabi kan kongresista na mawot kan prouesto na matabangan an mga middle income earners na mabawasan an pasanin.
Pinaglalaoman na makakatabang ini sa mga low income earners urog na ngunyan na padagos an angat sa inflation sa nacion.
