Pinaglalaoman namagdadara nin mapanganuron na kalangitan asin kalat-kalat na pag-uran an trough o extensions kan Tropical Depression Kiyapo kasabay kan naga-iral na Southwest Monsoon o Habagat sa nagkapirang parte kan Southern Luzon, Visayas, asin Mindanao.
Basado sa weather bulletin kan PAGASA, namataan an sentro kan Bagyong Kiyapo sa 950 kilometro sirangan kan Central Luzon.
Itinaas man kan state weather bureau an Tropical Cyclone Wind Signal (TCWS) No. 1 sa Batanes, Cagayan, Babuyan Islands, Isabela, Apayao, Abra, Kalinga, eastern asin central portions kan Mountain Province, eastern asin central portions kan Ifugao, Ilocos Norte, asin northern portion kan Ilocos Sur.
Makaka eksperyensya man nin maulap na kalangitan na may kalat-kalat na pag-uran asin thunderstorms an Mindanao, Western Visayas, Negros Island Region, Central Visayas, Occidental Mindoro, asin Palawan.
Mientras tanto, sa Bicol Region, Eastern Visayas, asin Romblon makaka eksperyensya man nin maulap na kalangitan na may kalat-kalat na pag-uran asin thunderstorms dara kan trough kan Bagyong Kiyapo.
Sa forecast track kan PAGASA posibleng magrani o mag-landfall an bagyo sa Cagayan sa pagultangan kan aldaw nin Biyernes asin Sabado.
