Pinahimutikan kan Department of Justice na ipigsugo sa National Bureau of Investigation (NBI) na imbestigaran an mga flood control projects sa Taguig City.
Segun ki Justice Secretary Fredderick Vida, pigrerespeto ninda an mandato kan NBI na magsagibo nin sadiring imbestigasyon.
Huli digdi, pigduon kan opisyal na an paglalansar kan ahensya nin imbestigasyon an basado sa mandato kaini na dapat otobon.
Sinierto man ni Justice Sec. Vida na an imbestigasyon an nakabase sana sa ebidensya.
Kasabay kan pag-imbestigar kan ahensya sa suboot ghost projects, nag-iimbestigar man ini dapit sa pigtataram na iregularidad kan mga proyekto sa nakalihis na 2019 Southeast Asian Games.
Kaibanan sa mga posibleng ipa-subpoena sinda Senator Judge Alan Peter Cayetano ngani na magtaong linaw sa imbestigasyon, segun ki Dir. Melvin Matibag.
