LEGAZPI CITY—Sarong welcome development para ki dating ACT Teachers Partylist Representative France Castro an nagin desisyon kan Senate Impeachment Court na isubpoena an financial records ni Vice President Sara Duterte magin kan saiyang agom na si Atty. Maneses Carpio.
Segun sa dating kongresista na dae matatago an confidentiality an katotoohan asin dae pwedesir gamiton an right to privacy urog na kun nakasalang na sa impeachment court an sarong opisyal.
Punto kaini na saro ining lakdang sa paghagad nin paninimbagan, transparency asin katotoohan kaya dae dapat napupugulan an pagluwas kaini huli sa pinahiling man kan prosekusyon an relevance asin significance kan bank and tax records ni VP Sara.
Importante suboot ini nganing maaraman kun may betrayal of public trust huli sa nakabugtak sa ley na an sarong government official urog na kun may halangkaw na posisyon an nagsusunod sa simpleng pamumuhay asin nakadepende sa kun gurano an saindang pigsesweldo.
Tinawan-doon ni Castro na en kaso mapatunayan na may hidden wealth an masirbi ining leksyon sa gabos na empleyado kan gobierno hasta sa impeachable official.
Segun pa sa saiya na naglalaom siya na mapapatunayan kan prosekusyon an saindang claim na may hidden wealth si VP Sara Duterte.
