LEGAZPI CITY—Nakatalaang magkundusir nin Full-Scale Emergency Exercise an Bicol International Airport sa maabot na Huwebes, Hulyo 23 puon alas-8 nin aga hasta ala-una nin hapon.
Segun ki Bicol International Airport General Manager Roland Bocito, sa intrevista kan Bombo Radyo Legazpi, an magigin senaryo iyo an aksidente nin aircarft sa eropuerto kun sain may responders hale sa manlaen-laeng stakeholders hale sa provincia kan Albay.
Dugang kaini na warang commercial flights sa nasabing oras.
Sinaysay pa niya na importante an lakdang nganing maipahilng an kahandaan kan eropuerto sa tabang kan mga responding personnel asin koordinasyon sa ibang ahensya na mag-assist en kaso magkaigwa nin emerhensya.
Mientrastanto, sienerto man ni Cocito na saro ining drill asin parte kan lakdang kan eropuerto nganing ma-evaluate an kahandaan kaini o magin an pwedesir na mapauswag pag-abot sa mga pagresponde asin iba pa.
