LEGAZPI CITY—Pighayag kan sarong maritime law expert na sarong napakababaw na hiro an ginibo kan China na paggibo nin AI-generated video na pigladawan an mga Pilipino bilang unggoy katakod kan isyu sa arbitral ruling sa West Philippine Sea (WPS).
Segun ki Institute for Maritime Affairs and Law of the Sea Director Professor Jay Batongbacal, sa intrevista kan Bombo Radyo Legazpi, na kun iisiipon na maski mismo an China an dae pinag-isipan an saindang patutsada na unggoy an mga Pilipino.
Kun hihilingon kaya sa kultura kan Chinese, an mga unggoy an sarong sagradong hayop huli sa ini an saindang pighihiling na tatao asin nagigibo nin mga paagi magin man suboot halangkaw an saindang pwesto.
Saro sa mga rason kaya na ginibo kan China ini an huli sa desperasyon, huli sa aram ninda na nasa sala sinda, o aram ninda na warang maaabot an saindang argumento na haloy na man na pinawarang-bisa o na-invalid sa tribunal.
Dugang ni Batongbacal na tama an ginibo kan gobierno na magluwas nin official statement mapadapit sa isyu.
Pwedesir man suboot na pauranan kan mga Pilipino an comment section kan mga social media platforms kan China nganing ituligsa an ipinaluwas na video kaini; siring man na kun pwedesir i-report ini huli sa pagbayolar sa community standards sa mga nasabing platforms.
Tinawan-doon kan opisyal na dapat na magpadagos an namamanwaang Pilipino na ipahiling an saindang dagit hasta sa dae pigtanggal kan China an naunambitang video.
