LEGAZPI CITY-–Kasunod kan mga nairehistrong pagyugo, padagos an monitoring ngunyan kan Bureau of Fire Protection Masbate sa sitwasyon kan saindang provincia.
Segun ki Bureau of Fire Protection Masbate Provincial Information Officer Fire Officer 1 Reden Invento, sa intrevista kan Bombo Radyo Legazpi, na wara man sindang naresibeng kinakaipuhan nin pagresponde durante kan magnitude 5.2 na linog kan Martes, Hulyo 14.
Dugang niya na wara man na warang nairehistrong mga inebakwar kan nasabing pagyugo.
Dugang kaini, na kabale man sa saindang pigkundusir na mga aktibidad an earthquake drill magin fire drill nganing magtaong kaaraman urog na sa mga eskwelahan kun ano an gigibohon sa oras kan mga siring na pangyayari.
Abiso ni Invento sa publiko na magin alerto, handa asin tulos na makipagkoordinar sainda en kaso may aksidente o ano pa mang sakuna.
