Sinierto kan Bureau of Jail Management and Penology (BJMP) na dae tatawan nin special treatment si Senador Rodante Marcoleta.
Segun ki BJMP spokesperson Jsupt. Jayrex Bustinera, warang siisay man na person deprived of liberty (PDL) an tatawan nin VIP treatment sa saindang kustodiya.
Kinumpirmar man kan BJMP na nasa kustodiya na kan Quezon City Jail Male Dormitory an senador kasubagong aga, Hulyo 15.
An paglipat ki Marcoleta sa QC jail an susog sa kasuguan kan Sandiganbayan makalihis taramon kan mga doktor sa UP-Philippine General Hospital na warang rason ngani na magtenir na naka-hospital arrest an senador.
