LEGAZPI CITY-Posibleng maglangkaw nin P4 an presyo kan Diesel mantang nakaabang an pagbaba o pagtaas kan presyo kan gasolina sa masunod na semana segun sa source kan oil industry.
Basado sa hiro kan Mean of Platts Singapore (MOPS) an average na palitan kan piso kontra dolyar hale sa average na palitan kan piso kontra dolyar poon Hulyo 6 sagkod 9, 2026, piglalaoman na magkakaigwa nin dakulang paglangkaw sa presyo kan produktong petrolyo.
An posibleng adjusment an minasunod:
Diesel — malangkaw nin P2.00 hasta P4.00 kada litro
Gasolina — rollback nin P1.00 kada litro o posibleng maglangkaw nin P1.00 kada litro
Ipinaliwanag kan source na nagtetenir na halangkaw an presyo kan diesel asin iba pang middle distillates huli sa makusog na demand asin paghigpit kan suplay.
Pigkakahandal an posibleng pagbaba kan suplay kan diesel hale sa huli sa sa pinsala kawsa kan mga pag-atake sa imprastraktura kan enerhiya kaini.
Mantang piglalaoman na mataas liwat an presyo kan langis huli sa halangkaw na demand sa panahon kan tag-init sa Northern Hemisphere asin mga limitasyon sa suplay huli sa maintenance asin pagbabawas kan produksyon kan mga refinery.
Pig-aanunyso kan mga kompanya kan langis an pagbabago sa presyo tuyong Lunes, na pigpapaotob naman tuyong aldaw nin Martes.
Segun pa sa source, nakakaapektar man sa paghiro kan presyo kan langis an mga tensiyon sa Gitnang Silangan, kabale an pag-atake kan Iran sa mga barkong nag-aagi sa Strait of Hormuz sa luwas kan opisyal na rutang inaprubahan, pati na an pag-atake man kan Amerika, asin pagbawi kaini sa mga ipinaotob na exemption sa sanctions para sa pag-export nin langis kan Iran.
