Maabot sa walong katawo an nagadan mantang duwa pa an nawawara makalihis matabunan nin landslide an sarong omahan sa Sitio Fundao, Barangay Poblacion, Malapatan, Sarangani.
Segun ki Malapatan Municipal Disaster Risk Reduction and Management Office (MDRRMO) Incident Commander at Head Mark Christopher Quiño, sampulong katawo an natabunan nin pagguho kan daga.
Nangyari ang landslide sa sarong omahan na nasa 500 metro ang rayo hale sa mismong komunidad ng Sitio Fundao. Segun sa MDRRMO, duwang pamilya an nagiistar sa lugar, kabale an limang may edad na, limang joven asin pirang senior citizen.
Padagos an search and rescue operations ng mga awtoridad nganing mahanap an duwa pang nawawara. Siring man, nadidifisilan an mga rescuers huli sa pwedesir sanang maabot an lugar sa paagi kan paglakaw.
Mientrastanto, nag-abot na sa 115 kaharongan hale sa duwang barangay ang naapektuhan kan padagos na pag-ulan asin flash flood.
Inebakwar na an mga residente sa mga evacuation center, kun sain piglalaomang matinir sinda mantang dae pa ligtas an saindang mga komunidad.
Nangapudan man an mga lokal na opisyal nin tabang, lalo na nin food packs asin malinig na inumong tubig, huli sa kontaminado na ang kadaklan sa saindang mga pinagkukunang tubig.
