LEGAZPI CITY- Nagtetenir na naka alerto ang Philippine Coast Guard Bicol sa maski wara nang nakabandera na tropical cyclone wind signal sa rehiyon, dara kan bagyong Inday.
Segun ki Coast Guard District Bicol Spokesperson Lt. Junior Grade Alyzza Novie Bermal sa intrevista kan Bombo Radyo Legazpi na dae pa man dagos na nagbabalik sa normal an biyahe sa mga pantalan.
Kaibanan man sa mga pinaghahandaan an posibleng mga pag-uran na makaka apektar sa nakapirang parte kan rehiyon.
Segun sa opisyal na nagtetenir na naka-deploy an saindang mga personahe ngani na magtaong asistensya sa publiko.
Dugang pa ni Bermal na nagtetenir man na naka-standby an floating assets kan ahensya ngani na magamit sa panahon kan emerhensya.
