LEGAZPI CITY—Nagpatanid an sarong political analyst na dapat magin maingat an mga senator-judges sa saindang mga pighahapot sa nagpapadagos na impeachment trial ni Vice President Sara Duterte.
Segun ki Prof. Dennis Coronacion, sarong political analyst, sa intrevista kan Bombo Radyo Legazpi, dae dapat magluwas nin sarong konklusyon an sarong senator-judge sa saiyang paghapot sa prosekusyon urog nang dae pa tapos an impeachment trial. Ini kasunod kan suboot gari konklusyon nang paghapot ni Sen. Risa Hontiveros kun impeachable offense na maikokonsiderar an suboot grave threats ni VP Sara laban ki Presidente Ferdinand “Bongbong” Marcos, Jr., First Lady Liza Marcos, asin Leyte 1st District Rep. at dating House Speaker Martin Romualdez.
Pag-istorya pa kaini na kan impeachment trial ni dating Presidente Joseph Estrada an limitado sana an paghapot kan mga senator-judges sa paglilinaw kan facts en kaso na bako malinaw an paglalahad asin bawal na maghapot na pwedesir nagpapahiwatig nin konklusyon.
An siring na isyu kaya an pwedesir na makaapektar sa kapwa ninda senator-judges magin sa pananaw kan mga namamanwaan na nag-aantabay sa nasabing paglilitis.
Nagpagiromdom man si Coronacion sa publiko na mag-antabay sa nagpapadagos na trial asin dae ma-intimidate urog na kun kadakol na objections, siring man na magtinir na naka-detach nganing dae magin emosyonal, huli sa kun dae magigin emosyonal an makakapag-isip nin malinaw asin masasabutan an proseso kan nasabing paglilitis.
