LEGAZPI CITY- Aminado an sarong influencer lawyer na magayon na istratehiya kan prosekusyon an enot na pag-presentar sa sarong expert witness na si National Bureau of Investigation Senior Agent John Mark Calilung.
Segun ki Atty. Carlo Ybañez sa intrevista kan Bombo Radyo Legazpi na igwa ining magabat na expertise sa video authentication.
Obheto kaini na mabawasan na an mga kahaputan para sa authenticity kan video kan suboot pagbabanta ni Vice President Sara Duterte sa buhay ni Presidente Ferdinand Marcos Jr. First Lady Liza Araneta-Marcos asin dating House Speaker Martin Romualdez.
Afuera digdi, inomaw man kan nasabing abogado an pag-handle ni Presiding Officer Sen. Francis ‘Chiz’ Escudero sa dalagan kan enot na tulong aldaw kan impeachment trial.
Paliwanag ni Atty. Ybañez na huli ta igwa na nin trial experience si Sen. Escuder, tatao ini magkapot kan mga objection, tataong magdangog asin magpatahaw sa prosekusyon asin depensa asin aram kun papano magtao nin instructions sa testigo. lawyer
Mientras tanto, nakulangan man ini sa ginibong cross examination kan depensa ki NBI agent Calilung huli ta dae suboot naraot an kredibilidad kan testigo asin dae man nahanapan nin butas an testimonya kaini.
