LEGAZPI CITY-Padagos an pigsasagibong clearing operation kan lokal na gobierno kan Legazpi sa Brgy. 15 Ilawod East ngani halion an mga peligrosong “spaghetti wires.”
Siring man an nagkapirang paglinig sa mga kable sa Rizal Street sa ciudad.
Pigsasagibo an operasyong ini duwang beses sa sarong semana sa pakikipag-tabangan kan Legazpi City Engineering Office, Albay Electric Cooperative, Inc., asin mga cable asin telecom providers.
Obheto kan lakdang na halion an mga gubot na kable na sagabal, kundi pirmihang rason kan mga kasulo asin aksidente sa kakalsadahan.
Pangenot man na prayoridad kan gobierno an kaligtasan kan mga taga-Legazpi para sa ligtas, maayos, asin progresibong ciudad.
